اليوم وانا رايح عند الشباب الدوانية وكانت شوارع الكويت كالعادة فاضية ماكو الا انا وسيارتين بس بالرابع !! < ودي اصدق بس قوية
المهم وبنص المعمعة الي بالدائري الرابع جدام صفاة الغانم .. بطلت الاذاعة على محطات الراديو جان اوقف على راديو كويت اف ام
اكو برنامج ينحط الساعه 9:50 بليل وحول الحزة هذه ما اعرف اسمه مو مهم ، المهم انه بس لعملاء زين !
ونظام المسابقة ان بس ادق عليهم يقولك اختار من 1 لـ 10 والربح فيه مضمون !! وطبعا من بلاك بيريات واي باد واي فون وسيارات وشاليهات ليوم واحد يعني شي حلو
بس الي غاثني وباط جبدي انه يوم يدقون علي المذيع يسألهم ؟ شكثر صارلك مطرش هالمسج ؟ .. الي يقول قبل دقيقتين والي يقول توه والي يقول قبل نص ساعه والي يقول ربع ساعة .. انزين شدعوة ليش بس زين ! ولا احنا عيال البطة السودة ؟؟
انا بصراحة رايي عالبرنامج رائع بل واكثر من رائع ! بس السلبية الوحيدة الي فيه انه محكور بس لعملاء زين
مادري اذا قصدهم يميزون عملاء زين ! ،، او يرغّـبون عملاء الشركات الثانية انهم يحولون لزين ؟؟
ولو ادري ان " الشركات الثانية " ما تقصر بس ان شاء الله انشوف خدمات مميزة من الشركات كلها عموماً
وسامحوني عالاطالة واتمنى ما ضايقت احد بكلامي !
