وبعد السلام عليكم ورحمة الله وبركاته ،،
اليوم موضوعي راح يتكلم عن تجربتي عن احد المطاعم في الكويت وسأتحدث بأختصار عن تفاصيل هذا الحدث ..
كلكم تدرون ان المجمعات بالعيد ما تنطب ودايما ما تكون زحمة والمطاعم دور على ما تلقى مكان والهوشات الي مالها اول ولا تالي.. ناهيك عن زحمة الباركينج برا .. يعني انحش عنها احسلك
فقررت انا وولد خالي " فيصل " واخوه انغير من المطاعم التقليدية .. ماكدونالدز و وبرجر كنج وهارديز ... الخ .. بمطاعم اخرى
فكان الاختيار انه انروح مطعم مأكولات بحرية بشكل عام .. ما كان في بالنا مطعم معين انروحله ..
وبعد ما سئلنا الخال عن افضل المطاعم الي تشتهر بمأكولاتها البحرية .. قالنا اكو مطعم بحولي حلو ونظامه بوفيه واكل بحري صيني والاكل طيب ..
وبعد الوصف وبعد ما دلينا المكان توجهنا مباشرتنا الى المطعم ...
اليوم موضوعي راح يتكلم عن تجربتي عن احد المطاعم في الكويت وسأتحدث بأختصار عن تفاصيل هذا الحدث ..
كلكم تدرون ان المجمعات بالعيد ما تنطب ودايما ما تكون زحمة والمطاعم دور على ما تلقى مكان والهوشات الي مالها اول ولا تالي.. ناهيك عن زحمة الباركينج برا .. يعني انحش عنها احسلك
فقررت انا وولد خالي " فيصل " واخوه انغير من المطاعم التقليدية .. ماكدونالدز و وبرجر كنج وهارديز ... الخ .. بمطاعم اخرى
فكان الاختيار انه انروح مطعم مأكولات بحرية بشكل عام .. ما كان في بالنا مطعم معين انروحله ..
وبعد ما سئلنا الخال عن افضل المطاعم الي تشتهر بمأكولاتها البحرية .. قالنا اكو مطعم بحولي حلو ونظامه بوفيه واكل بحري صيني والاكل طيب ..
وبعد الوصف وبعد ما دلينا المكان توجهنا مباشرتنا الى المطعم ...
اسمحولي ما كنت ماخذ كامرتي الاحترافية فـ صورت من تلفون فيصل الـ iPhone 4
المهم .. دخلنا المطعم وكان تصميمه من داخل بسيط ونفس ديكورات المطاعم الصينية الاعتيادية يعني ماكو شي مميز .. وبعد ما دخلنا الباب كانوا حاطين اسعار البوفيه على لوحة وانتا داش فكان السعر للشخص .. 7.500 ..
سألت خالي عن اسعارهم .. قالي زايدين السعر دينار عن قبل ..
لووول انا اول ما قريت هاللوحة .. تذكرت اعلان الوطني ... عطونا عيدية خخخخ
المطعم كان هادئ نوعاً ما .. والحمدلله ما كان في زحمة الناس كلهم اتيكيت اليهال قليل يعني اخذنا راحتنا من الاخر :)... وبعد ما قعدنا بالمكان .. طبينا عالبوفية واخذنا الاصحون عشان نشكل بالاكل .. فـ كان الاكل ما يحتاج اقولك .. من كل بستان وردة يعني كلوا في كلوا خخخخ
وهذا الشيف كانت ريحت الاكل منتشرة بالمكان .. عجبني طريقة حمس الروبيان وفلييه السمج والصوص الي عليه :)
واكو بعد الصوب الثاني .. ما كملت تصوير.. فلاش الكاميرا كان وايد قوي .. العموم كان يخز خخخ
وبعد ما نوعنا بالاكل .. كان الاكل كما يلي :
الاكل يشهيي مو ^_^ ...
وبعد الشبع والطفح شكرنا ربنا على هالنعمه .. الله يدومها علينا وعليكم .. توجهنا الى الحمام " اجلكم الله " ..
بخصوص الحمام " اجلكم الله " .. كان الممر الي يدخلك على حمام الرجال والنساء مشترك يعني تمر من الممر بعدين تتفرع الى حمام الرجال والنساء ... وهذه كانت سلبية كبيرة بالنسبة لتصميم المحل .. وهذه الصورة
وبعدها توجهنا الى الكاشير ودفعنا الحساب وطلعنا
وهذه اهم التقييمات :
المكان : 6 / 10
تعرفونها حولي .. اماكنها ضيقه وقمته شوي
جودة الاكل : 7.5 / 10
حلوو ومو حلو ..
السعر : 6 / 10
شوي مبالغ فيه .. يعني لو مطعم فرايديز مثلاً وطالبين فوق الطلب ما يطلع الحساب جذي !!
بس كانت تجربة حلوة :)
