وبعد السلام عليكم ورحمة الله وبركاته ،،
قف !! .. نسيت اقولكم كل عام وانتوا بخير وصحة وسلامة .. وتقبل الله طاعتكم .. وعيدكم مبارك ،،
--- --- --- --- --- --- --- --- ---
بما اني قتلكم في المدونة الي طافت انه اشتراكي السنوي بالـ DSL راح ينتهي او انتهى قبل " 3 ايام "
قررت والحمدلله اني اجدد اشتراكي في احدى الشركات الي تم ذكرها من قبل .. فـ رسى الاختيار على الـ كواليتي نت وهو بشكل عام الافضل والاختيار الاول والاخير ..
وقبل لا اجدد اشتراكي .. قمت بالتصفح في احدى المدونات عن طريق البلاك بيري حقي .. لفتني في حدى المدونات عرض من قبل QNet !! .. انا عبالي نفس العروضات الي قتلكم عليها .. بس الحسبة تغيرت ونزلوا عروض اقوى بوايد من قبل .. وراح انزلكم صورة تبين لكم العروض قبل وبعد .. المهم كان الاختلاف تقريباً بنص السعر .. يعني عرض وايد قوي
ومدتة من 8-9-2010 الى 12-9-2010
ومكتوب بالاعلان انه الافرع كلها مسكرة وقت العيد .. ومبطل بس بالافنيوز !! ..
رحتلهم هناك وتمطلت وشفت العروض القوية .. سئلتهم ان شاء الله اتظبطونا بعيدية حلوة يعني " كابون او تضاعف الاشتراك جم شهر او الايباد الي لازم ندخل السحب عليه " يعني اي شي << شحاذه عيني عينك خخخخ
المهم .. نطرت دور تقريباً 7 اشخاص جدامي !! بس 2 يبون يشتركون .. انزين ليش كالهدور ؟
طلعوا عايلة كاملة مع بعض .. فـ لما وصل الدور عندي ..
سألني .. فكان الحوار :
انا : السلام عليكم ..
الموظف " ناصر " : وعليكم السلام
انا : بغيت اجدد اشتراكي واضاعف السرعة
هو : اوكي مو مشكلة بس عطني الرقم ..
انا : ******24 ..
هو : جم تبي السرعة ؟
انا : 2m
هو : لا يطوفك حرام العرض اليديد للسرعات العالية .. اول مره ينزل بجميع الشركات مستحيل تلقى نفسه ..
انا : والله مادري لو بيدي جان قويت السرعة بس يخوك انا ناوي على الـ 2 ميقا والفلوس محفوفة يعني على قدي زين اني حصلت هالمبلغ من العيادي ... فـ خلني على الـ 2 ولله الحم د...حلوين
هو : مو مشكلة بس الدفع " كاش ولا كي نت "
انا : كي نت .. وما فيهم الا هالـ 100 خخخ
هو : اوكي بعد اذنك 5 دقايق على ما ابطله لك ... وبعد 5 دقايق ... اوكي الحين تبطل
انا : يعني الحين ارجع على طول شغال الـ DSL..
هو : اي ان شاء لله بس صك وبطل المودم وبيشتغل معاك ... وهذول كوبونين فيهم امسح واربح .. انا قلت الحين بربح سيارة ولا شي يسوى ... طلعوا كوبون بقيمة دينارين من " Baint Ball "... مادري هذا وين صاير
انا : انزين هذا وين صاير !!
هو : والله مادري اتصل على خدمة العملاء واهم يفهمونك .. والاستلام عندهم في مجمع الخليجية ..
انا : .. مشكور ما تقصر ومع السلامة
هو : .. حياك انشوفك السنة الياية .. فمان الله
وما شاء الله الحين قاعد اكلمكم من هالاشتراك .. وسرعته وايد قوية وحلوة .. وماكو نطرة مني ورايح للـ اليوتيوب
قف !! .. نسيت اقولكم كل عام وانتوا بخير وصحة وسلامة .. وتقبل الله طاعتكم .. وعيدكم مبارك ،،
--- --- --- --- --- --- --- --- ---
بما اني قتلكم في المدونة الي طافت انه اشتراكي السنوي بالـ DSL راح ينتهي او انتهى قبل " 3 ايام "
قررت والحمدلله اني اجدد اشتراكي في احدى الشركات الي تم ذكرها من قبل .. فـ رسى الاختيار على الـ كواليتي نت وهو بشكل عام الافضل والاختيار الاول والاخير ..
وقبل لا اجدد اشتراكي .. قمت بالتصفح في احدى المدونات عن طريق البلاك بيري حقي .. لفتني في حدى المدونات عرض من قبل QNet !! .. انا عبالي نفس العروضات الي قتلكم عليها .. بس الحسبة تغيرت ونزلوا عروض اقوى بوايد من قبل .. وراح انزلكم صورة تبين لكم العروض قبل وبعد .. المهم كان الاختلاف تقريباً بنص السعر .. يعني عرض وايد قوي
ومدتة من 8-9-2010 الى 12-9-2010
هذا العرض اليديد ...
وهذا العرض القديم ...
ومكتوب بالاعلان انه الافرع كلها مسكرة وقت العيد .. ومبطل بس بالافنيوز !! ..
رحتلهم هناك وتمطلت وشفت العروض القوية .. سئلتهم ان شاء الله اتظبطونا بعيدية حلوة يعني " كابون او تضاعف الاشتراك جم شهر او الايباد الي لازم ندخل السحب عليه " يعني اي شي << شحاذه عيني عينك خخخخ
المهم .. نطرت دور تقريباً 7 اشخاص جدامي !! بس 2 يبون يشتركون .. انزين ليش كالهدور ؟
طلعوا عايلة كاملة مع بعض .. فـ لما وصل الدور عندي ..
سألني .. فكان الحوار :
انا : السلام عليكم ..
الموظف " ناصر " : وعليكم السلام
انا : بغيت اجدد اشتراكي واضاعف السرعة
هو : اوكي مو مشكلة بس عطني الرقم ..
انا : ******24 ..
هو : جم تبي السرعة ؟
انا : 2m
هو : لا يطوفك حرام العرض اليديد للسرعات العالية .. اول مره ينزل بجميع الشركات مستحيل تلقى نفسه ..
انا : والله مادري لو بيدي جان قويت السرعة بس يخوك انا ناوي على الـ 2 ميقا والفلوس محفوفة يعني على قدي زين اني حصلت هالمبلغ من العيادي ... فـ خلني على الـ 2 ولله الحم د...حلوين
هو : مو مشكلة بس الدفع " كاش ولا كي نت "
انا : كي نت .. وما فيهم الا هالـ 100 خخخ
هو : اوكي بعد اذنك 5 دقايق على ما ابطله لك ... وبعد 5 دقايق ... اوكي الحين تبطل
انا : يعني الحين ارجع على طول شغال الـ DSL..
هو : اي ان شاء لله بس صك وبطل المودم وبيشتغل معاك ... وهذول كوبونين فيهم امسح واربح .. انا قلت الحين بربح سيارة ولا شي يسوى ... طلعوا كوبون بقيمة دينارين من " Baint Ball "... مادري هذا وين صاير
انا : انزين هذا وين صاير !!
هو : والله مادري اتصل على خدمة العملاء واهم يفهمونك .. والاستلام عندهم في مجمع الخليجية ..
انا : .. مشكور ما تقصر ومع السلامة
هو : .. حياك انشوفك السنة الياية .. فمان الله
وما شاء الله الحين قاعد اكلمكم من هالاشتراك .. وسرعته وايد قوية وحلوة .. وماكو نطرة مني ورايح للـ اليوتيوب
وهذه كل السالفة .. توته توته خلصت الحتوتة
هناك تعليقان (2):
الف مبروك الاشتراك وان شالله يارب يكون على طول سريع ومثل ما تبيه.. إي لول اهم شي اليوتيوب أبيخ شي لما تقعد تنطر فيديو مدته طويلة.. وعيدك مبارك وكل عام وانت بخير يارب
الله يبارك فيك حبيبي ،،
وايامك سعيدة
إرسال تعليق