تخيل نفسك بهالموقف .. شنو ممكن تسوي ؟؟

هذه مجموعة صورة تم التقاط ما قبل الاونه الاخيرة من الموقف !!

 تخيلوا نفسكم مكانهم .. شنو ممكن تسونه بهاللحضة  ،،

لوووول  ...

( اضغط على الصورة لمشاهدتها بحجمها الطبيعي )

حين يقع الفاس بالراس.. على متن طيران ناس !!

               *     بسم الله الرحمن الرحيم  ،،

قررنا بمشيئة الله انا والأهل الذهاب الى العمرة للتعبد لله تعالى وطلب الرحمة والاستغفار والدعاء واستثمار من تبقى من رمضان في طاعة المولى عز وجل  ،،

تركت امور الحجز وراء الأهل لمعرفتهم بحملة... انا لست بدراية كافية عنها ووثوقهم بتعاملاتها سنوياً !

المهم وبعد ما تم تأكيد الحجز واستلام التذاكر ومكان الفندق .. لفت انتباهي خلف الحجز انه لا يمكن استرجاع التذاكر او استبدالها اطلاقا !

سألت الوالده الله يحفظها .. حيث كان الحوار :

انا : يما  .. انتي اي طيران حاجزة  ؟
الوالدة : مادري والله اكيد الخطوط الجوية السعودية او الكويتية انا ما اعرف غيرهم !!
انا : بس يا يما الكويتية او السعودية تقدرين تسترجعين من قيمة التذاكر لا راح عليج الموعد او صار ظرف طارق او من جذي
الوالدة : لا عادي ما عليك هذه جذي بس, وله الطيران اكيد السعودية او الكويتية
انا : انزين دقي على الحملة وسئليهم اي طيران لانه مكتوب " ناس " انا سامع فيها بس مو راكب فيها والربع ما يمدحونها
الوالدة : والله يا بدر مادري الحين اسئلهم ..

وبعد ما دقت الوالدة عليهم وجيكت طلع نفس كلامي " طيران ناس " قلتها ترا الشباب ما يمدحونها على ابو انها رخيصة الناس تروح فيها  وترا ما تفرق كلها جم دينار نكسب راحتنا

الوالدة : حاولت فيهم وبعد نجرة وهواش مع الموظف قالها لا ما نقدر حجزنا الطيران وما نقدر نكسل

وبعد ما تشاورنا وهداهم الله وعينوا من الله خير قرروا يكملون على هالطيران لانه الوقت كان ضيق وباجي على العشر الاواخر 4 ايام فـ كانت فرصة حلوه وعطله ووقت مناسب  ،،

المطار :  موعد اقلاع الطيارة 2:50 والحضور يكون 12:50

وبعد ما دخلنا المطار وعالكونتر مباشرة .. الحمدلله كنا اول ناس ودخلنا الاقراض وعطيناهم الجوازات ولو انه اخرونا لأنه حاجزين تقريباً 5 مقاعد جدام حق الكبار والي ما يتحملون الزحمة .. وخلصنا الكونتر .. قعدنا بمصلى المطار وصلينا وقرينا القرأن ومن ثم لبست الاحرام وتوجهنا على البوردنغ  !
ممر الطيارة كان مزدحم جداً .. يكاد يكون النفس فيه معدوماً .. ودخلنا الطيارة  ،،
هنا تكمن المشكلة :  راح اعطيكم نبذة عن الطيارة  ،،
الطيارة هي AirBus A320 صغيرة الي اهي جامبو .. ونظام المقاعد فيها 3عاليمين و3 عاليسار .. لا يوجد بها درجة اولى !!!
سلمنا البوردنج " 9 تذاكر " للمضيف .. توزيع الاماكن كاد ان يكون شبه عشوائي في توزيع المسافرين
الاربع اماكن الي جدام اختلفوا عن بعض ! صاروا كل كرسي يبعد عن الثاني سطر او سطرين
والي ورا كل اثنين بروح !! .." شسالفه " وين التنظيم وين الترتيب في التوزيع !!
العموم مو راضي عن مكانه صارت دوخة يمكن تقريبا اكثر من نص ساعة واهما يعدلون في اماكن الركاب
انتهت المشكلة وحلينها بعد بهذله في التبديل وتغير اماكن المسافرين

المهم .. الحين احنا كل شي اوكي استقرينا في الاماكن .. وكان الله غفور رحيم
طلعتلنا مشكلة ثانية !! .. الاماكن وايد ضيقة ما تقدر حتى تمد ريولك !! انا مو مشكلة المشكلة بالكبار الي معانا والي حاجزين لهم اماكن سنعه وكل هذا طلع خرطي
وطول هالطريج واحنا متحاشرين .. جنا غنم !!

المهم .. طرنا تقريبا الساعه 4:30  ووصلنا الساعه  6:40 المغرب ! وعلى ما نزلنا ويابولنا باصات ينزلونا صارت الساعه 7:10
حزة اذان المغرب عندهم الكونترات كلها مسكرة ! شسالفة .. لازم اكو مناوبة عشان يمشي السير
دشينا قاعة الكونتر وتعالوا شوفوا الزحمة شلون صايرة .. حوالي فوق 1000 واحد ينطر اذا مو اكثر بعد .. كلهم من باكستان والهند واندونيسيا يعني وافدين ..والعموم كلها ناطره متى يبطلون الكونتر .. الحمدلله صلينا وجمعنا صلاة المغرب مع العشاء
وعندنا لكبار معاهم كرنيهات اعاقة اهيا الي فادتنا الحمدلله وعدينا على خير..

وتم اداء مناسك العمرة وشراء الصوغات والهدايا للأهل وصار وقت الرده  !

توجهنا الى المطار في الوقت المحدد وتشرينا من سوق الحرة " المصباح " وصلينا صلاة الظهر وجمعنا معاها العصر
صادف معانا تأخير في الرحلة يقولون خارج عن ارادتنا ونطرنا ساعة ثانية
والحمدلله وصلنا ارض الكويت سالمين غانمين وبعيون الفطور وحلوجنا ناشفة وبعيونه النوم
وصلنا عند الجنط بناخذهم ونمشي .. اخرونا ساعه تقريباً يقولون صار في عطل في الجهاز الي ينزلون عليه الشنط .. يبوووووووي مو قته !
عوع على هالطيران المذله الي حتى بالرده بزعنا منها .. وتعال وشوف الناس شلون ملتمه على الجنط .. وشوف ماي زمزم شلون مكبوب والجنط كل وحده والثانية بصوب .. شوفة عيني يحذفون الجنط ويكومونهم على بعض بالشحن !

وبإختصار : راح اقولكم السلبيات الي شفتها : 1- انعدام التنظيم وتوزيع المقاعد الصحيح
2- ضيق الاماكن وتلاحمههاا  .. 3- الاكل كان بفلوس يعني وكل شي بحسابه
4- ماكو بوابات دخول وخروج .. كلها باصات , بستثناء الذهاب 
5- المواعيد ليست في وقتها
6- لا يوجد درجة اولى .. اوله مره اركب هالنوع من الطيارة

اما الايجابيات عشان لا اظلمهم وابري ذمتي  :
1- قيادة الطيران كانت جداً رائعة وسلسة في الصعود والهبوط .. رايتك بيضه يا كابتن
2- معاملة المضيفين كانت حلوة بس شيسون الاماكن كلها كانت مخربطه فـ ساعدونا قدر الامكان
3- تلطيف الاجواء بالمكييف الي يطلع من فوق نفس البخار او الهوا الي يطلع من الثلاجة  .. حسيت اني دياية معمل مثلجة خخخ
4- وزعوا علينا باكج " كرتون " يحتوي على معمول وتمر وماي وكرواسان سادة " للفطور .. تأسفاً على تأخيرنا

وهذه كانت كلها رحلة معاناة وتعب وتوبه جان رحت لها مره ثانية ... وكالعادة سامحوني عالاطالة

يا روحي عالابتسامة والله !!

وانا افتر في المدونات الزميلة كالعادة فطسني من الضحك فيديو من مدونة الاخ  " Q8Ping "

اتمنى تشوفون الفيديو والله صارلي ربع ساعة ميت من الضحك خخخخ

               *     اخليكم مع الفيديو  ..

بالفيديو: لاعبة تُطرد بسبب رمية تماس !

يبدو وأن العنف في الملاعب لم يعد مقتصراً في ملاعب كرة القدم للرجال فقط  !!

شوفوا هالبنت شلون تبي تنتقم من الاعبة بطريقتها الخاصة  ..

من هنـا انفـرد بإبـداعاتــي .. Flickr !

                        وبعد السلام عليكم ورحمة الله وبركاته  ،،

يسرني ان اصف لكم وبكل شفافية واختصار عن هذا الموقع الرائع والمفعوم بالحيوية والدهشة والي الكل اكيد يعرفه  ،،

 Flickr  .. هو موقع كأي موقع اجتماعي اخر .. لا يختلف فيه الا انه مخصص للمصورين المحترفين فقط !

انا بصفتي مصور واعشق التصوير والتصميم فـ كان ودي تقيمون وتشاركوني صوري الملتقطة وتعطوني اراءكم وانطباعاتكم للصور حتى ولو كانت بسيطة عن سلبياتي حتى لا اقع في الخطأ فيما بعد .. ومو شرط انك تكون مصور حتى تقيم  الصور .. انا ابيها منكم كمدونين  :)

اضغط على كلمة  " My Flickr " لدخول الصفحة الخاصة بي

تقليــد دعاية " الوطنية للاتصالات " في رمضان .. عينـي عينك !!

الفيديو هذا فيه اكثر من تقليد لأكثر من دعاية في رمضان ،،

عجبني تقليدهم لدعاية " الوطنية " بأول الفيديو .. " ومنا القابضة للأستثمار " بالدقيقة ( 8:00 )  !!

       اخليكم مع الفيديو ...

في كل لوحة 100 لوحة !!

لوحات غريبة ما شفت نفسها .. كل لوحة وبداخلها اكثر من لوحة  !!

ما شاء الله مبدع هالرسام  ،،

جان زين عندنا نفس هالمواهب   !!